Por: Mário Júnior
Nha terra
Nha terra Cabo Verde
nha kretxeu
Nsta odja txeu problema
Nka sabi kuse kim ta faze
Mas nka kre dexal si
Povo nu djunta nu agi
Nu grita nu salta nu canta
Pmd e ka si
Ka si ki nu imagina nós terra
Ka si ki nu imagina nos povo
Ka si ki Cabral kria pa nu vivi nos independência
Nos e um povo independente
Mas nu sta vivi na opressão
Oprimidos pa nos escolha
Oprimidos pa nos medo
Oprimidos pamodi nos faltas de instrução
Nha terra Nha terra Pamodi Bo?
Pamodi kes fazeu assim?
Mas ka bu frontam é apenas um pergunta
Será kes ka sta odja?
Es ka sta odja bus fidju sta sufri?
Obi fladu ma bo era escuro respeitado
E gosi bu sta mas claru sem respeito
Nem pa bedju Nem pa jovem
Nem pa kriansa Nem pa adolescente
Nha terra Cabo Verde
Odja bus fidju
Bus fidju dja kre kaba ku bo
Ku bu história Ku bu paz
Ku bu conforto
Txeu afronta riba de bo
Tambi es fla ma bo so “cimenti ki konkreto” Pamodi?
Ai nha terra
Bu ka sta kel di kel bez
Kel Cabo Verde ki hora ki badu ta daba vontade bira
Ai Cabo Verde bu sta dexano ku sodadi
Sodadi di kel tempu ki bo era escuro
Sodadi ki dja dam ti ki ta doe
Nha terra Nha kretxeu
Nha Cabo Verde
