Por: Mário Júnior
Tempu txuba e si
Agu d’speransa
Agu desejadu
Agu d’alegria
Tempu txuba!
Mas tempu txuba é si
Labanta cedo palmanha,
Enxada riba de umbro, caminho pa horta
Tempu txuba é sabi!
Tempu ki ta trazi txeu alegria,
Mas tbm tempu ki tem se tristeza
Tempu txuba!
Bu fazem labanta cedu,
Bai simenteira ku fomi, ku speransa ma um dia na cumi bem
Tempu txuba!
Tempu de sabi
Tempu d’alegria
Tempu de tristeza
Sabi lembra nhas gastronomia
Sabi recebi encomenda
Contenteza!
Contenteza é toma banho nel, brinka na lama
Saboria fruto de natureza
Obi cantus de passaro, bai lugar panta corbu,
Salta horta sima ki bo e cabrito
Tempu txuba!
Mas também bu tem bu tristeza
Nos tristeza!
Agu dentu casa
Noty sem durmi, mesmo assim bo e bem vindo
Bo bu sabi txiga tuba!
Txiga manso,
txiga ku bentu
Txiga ku relampu
Txiga ku trubuada
Txiga na tempu certo.
Na Cabo Verde bu ta kre panha tudo festival …
Tempu txuba?
Tempu tuba é sabi
Tempu de fartura
Tempu txuba é si.
Tempu d’sperança
Ai tempu txuba, bo é sabi
