Por: Mário Djulay’s Júnior
Sorysu!
Sorysu branku
Sorysu Amarelu
Soryso crocudilu
“Mas ka bu skecy ma bo é di nha cor”
Sorysu e um afectu bunitu
Uns ta usa pa demostra felicidadi
Otu Amor
Otus falsidadi
Alguns nenhum des
Um sentimentu,
Um emuson sabi di transmiti
Bom pa recebi,
Mas bu tem ki sabi undi ki sta kel verdadeiru
Sorysu!
Sorysu, sima bo é sabi
Sima bu ta mida kem ki bu abrasa,
Mas pamodi kex kre fazeu di munty cor?
Gosi ka sta facil aceitou, sorysu
Ex pensa ma ex é divinu, tenta voltau um “Arcu Íris”,
Mas kela son natureza ki podi fazi
Txora de felicidade “txuba”
Mostrano se contenteza ku cores “Arcu Íris”
Mas nka kre conxi íris!!
Ta lembra na nocentesa de criança, ex contam um hytoria
Um hytoria ki fazem pensa ma nconxeba bo,
Sorysu!
Sorysu mostram bó
Mostram bu carra
Mostram bu essensia
Sorysu de tão bom ki bó é, gosi djex kre dau kamufagem,
Djex kre dau diplomacya.
Sorysu
Sorysu, sera ki um dia nta bem conxeu?
Kem mi dera !!
Mas nsabi ma um dia bu ta abrasanu
Um dia, bu ta baty na nos porta sima “chuva amiga” e fazenu dansa na lagoa de novu
Sorysu, sorysu
Ate um dia
